ప్రత్యేక అవసరాలున్న పిల్లల కోసం...

మానసిక సమస్యలతో బాధపడుతున్న చిన్నారుల కోసం కేర్‌ హెల్త్‌ ప్రత్యేక బృంద పాలసీని అందుబాటులోకి తీసుకొచ్చింది. మామ్స్‌ బిలీఫ్‌తో కలిసి ఈ పాలసీని అందించనుంది. ఈ పాలసీ పేరు మామ్స్‌ బిలీఫ్‌ కేర్‌-ఆద్విక్‌ చైల్డ్‌ ఇన్సూరెన్స్‌ ప్లాన్‌. ఆటిజం, కుంగుబాటు, నేర్చుకునే సామర్థ్య లోపం తదితర ప్రత్యేక అవసరాలున్న వారికి అవసరమైన వైద్య చికిత్సల కోసం ఈ పాలసీని తీసుకొచ్చినట్లు మామ్స్‌ బిలీఫ్‌ సీఈఓ, వ్యవస్థాపకుడు నితిన్‌ బింద్లీశ్‌ తెలిపారు. 0-15 ఏళ్ల మధ్య ఉన్న ఈ పిల్లలు ఆసుపత్రిలో చేరాల్సి వచ్చినప్పుడు చికిత్స ఖర్చు చెల్లించేలా ఈ పాలసీని కేర్‌ హెల్త్‌ ఇన్సూరెన్స్‌తో కలిసి రూపొందించినట్లు పేర్కొన్నారు. రూ.1.5లక్షల నుంచి రూ.4లక్షల వరకూ ఈ పాలసీ ఉంటుంది. ఇది ప్రత్యేక బృంద పాలసీ కాబట్టి, ప్రస్తుతానికి మామ్స్‌ బిలీఫ్‌లో సభ్యులుగా ఉన్న వారికే ఈ పాలసీ అందుబాటులో ఉంటుంది. రూ.1.5లక్షల పాలసీకి రూ.22వేల వరకూ ప్రీమియం ఉంటుంది.