‘ఏఐఎస్‌’ చూశారా?

గత ఆర్థిక సంవత్సరంలో మీకు వచ్చిన ఆదాయం, చేసిన అధిక విలువైన ఖర్చుల వివరాలతో ‘వార్షిక సమాచార నివేదిక’ (యాన్యువల్‌ ఇన్ఫర్మేషన్‌ స్టేట్‌మెంట్‌- ఏఐఎస్‌)ను ఆదాయపు పన్ను విభాగం సిద్ధం చేసింది. దీన్ని మీరు ఇన్‌కంట్యాక్స్‌ వెబ్‌సైటులోకి లాగిన్‌ అయి, సర్వీసెస్‌ ట్యాబ్‌లో చూడొచ్చు. 2021-22 ఆర్థిక సంవత్సరంలో మీకు వచ్చిన ఆదాయం, మూలం వద్ద పన్ను కోత (టీడీఎస్‌/టీసీఎస్‌)లావాదేవీలతో సహా అన్నీ ఈ నివేదికలో ఉంటాయి. కాబట్టి, ఒకసారి మీ ఏఐఎస్‌ను పరిశీలించండి. అందులో ఉన్న ఆదాయ, వ్యయాలన్నింటికీ ఆధారాలు మీ దగ్గర ఉండేలా చూసుకోండి.

* పొదుపు ఖాతా, టర్మ్‌ డిపాజిట్లు, రికరింగ్‌ డిపాజిట్లు ఇతర ఖాతాల నుంచి వచ్చిన వడ్డీ

* కంపెనీల నుంచి వచ్చిన డివిడెండ్లు

* అంతకు క్రితం ఆదాయపు పన్ను రిఫండ్‌పై వచ్చిన వడ్డీ

* లాటరీల ద్వారా వచ్చిన బహుమతులు

* ప్రభుత్వ సెక్యూరిటీలు, బాండ్ల నుంచి వచ్చిన ఆదాయం

* వ్యవధి తీరిన ఎన్‌ఎస్‌సీల నుంచి వచ్చిన మొత్తం

* మ్యూచువల్‌ ఫండ్ల యూనిట్లను విక్రయించినప్పుడు వచ్చిన లాభం

* పొదుపు ఖాతాలో చేసిన భారీ నగదు డిపాజిట్లు

* స్థిరాస్తుల రిజిస్ట్రేషన్‌కు సంబంధించిన వివరాల్లాంటివి ఇందులో ఉంటాయి.