ట్రెజరీ ఉద్యోగి ఇంట్లో భారీగా బంగారం,వెండి స్వాధీనం

బుక్కరాయ సముద్రం: అనంతపురం జిల్లా బుక్కరాయ సముద్రం ఎస్సీ కాలనీలోని ట్రెజరీ ఉద్యోగి మనోజ్‌ ఇంట్లో భారీగా బంగారం, వెండి పట్టుబడింది. డీఎస్పీ రాఘవరెడ్డి నేతృత్వంలో సోదాలు నిర్వహించిన పోలీసులు ఈ మొత్తాన్ని స్వాధీనం చేసుకున్నారు. ఓ ఇంట్లో ఆయుధాలు, బంగారం, వెండి నిల్వలు ఉంచారనే సమాచారంతో పోలీసులు సోదాలు నిర్వహించారు. మనోజ్‌ ఇంట్లో ఉన్న 8 ట్రంకు పెట్టెల్లో బంగారం, వెండి వస్తువులు ఉన్నట్లు గుర్తించారు. ఒక్కో పెట్టెను తెరిచి వాటిని లెక్కిస్తున్నారు. ఇవన్నీ ట్రెజరీలో పని చేసే మనోజ్‌కు చెందిన వస్తువులుగా ప్రాథమిక నిర్ధారణకు వచ్చారు. పూర్తి వివరాలు తెలియాల్సి ఉంది.