గులకరాయి కేసులో నిందితుడిని కస్టడీకి తీసుకున్న పోలీసులు

ఈనాడు, అమరావతి: గులకరాయి కేసులో నిందితుడు సతీష్‌కుమార్‌ను పోలీసులు తమ కస్టడీకి తీసుకున్నారు. మూడు రోజుల పోలీసు కస్టడీకి విజయవాడ ప్రిన్సిపల్‌ జూనియర్‌ సివిల్‌ జడ్జి కమ్‌ మెట్రోపాలిటన్‌ మేజిస్ట్రేట్‌ కోర్టు అనుమతించిన సంగతి తెలిసిందే. ఈ మేరకు పోలీసులు గురువారం ఉదయం విజయవాడలోని జిల్లా కారాగారానికి వెళ్లి నిందితుడిని తమ ఆధీనంలోకి తీసుకున్నారు. అనంతరం నిందితుడిని సింగ్‌నగర్‌ స్టేషన్‌కు తీసుకెళ్లారు. అక్కడ తండ్రి చిన్న దుర్గారావు, న్యాయవాది సలీం సమక్షంలో సాయంత్రం వరకు విచారణ జరిగింది. తొలి రోజు విచారణలో.. రాయి విసిరిన ఘటన వెనుక ఎవరి ప్రోద్బలం ఉంది? ఎవరు చెబితే చేశావు వంటి ప్రశ్నలు అడిగినట్లు తెలిసింది.