టీటీజీడీఏ కార్యవర్గం ఎన్నిక

ఎదులాపురం: తెలంగాణ ప్రభుత్వ బోధన వైద్యుల అసోసియేషన్ నూతన కార్యవర్గాన్ని గురువారం ఏకగ్రీవంగా ఎన్నుకున్నారు. ప్రభుత్వ రెగ్యులర్ వైద్యులు కార్యవర్గంలో రెండేళ్ల కాల పరిమితితో ఎన్నికలను.. ఎన్నికల రిటర్నింగ్ అధికారి డాక్టర్ విజయసారథి ఆధ్వర్యంలో నిర్వహించారు. ఆదిలాబాద్ జిల్లా శాఖ అధ్యక్షుడిగా శ్యాంప్రసాద్, ప్రధాన కార్యదర్శిగా కస్తూరి శ్రీనివాస్, కోశాధికారిగా కమలాకర్ ఎన్నికయ్యారు. అదే విధంగా కార్యనిర్వాహక సభ్యులను సైతం ఎన్నుకున్నారు. నూతన కార్యవర్గానికి రిమ్స్ అధ్యాపకవర్గం శుభాకాంక్షలు తెలిపి అభినందించింది.