వేధింపులకు గురైతే ధైర్యంగా ఫిర్యాదు చేయాలి

ఎదులాపురం: మహిళలు, బాలికలు వేధింపులకు గురైతే ధైర్యంగా ఫిర్యాదు చేయాలని షీ టీం బాధ్యురాలు బి.సుశీల సూచించారు. ఆదిలాబాద్ పట్టణంలోని జీనియస్ కంప్యూటర్ శిక్షణ కేంద్రంలో శనివారం ఆ బృందం ఆధ్వర్యంలో బాలికలకు అవగాహన కార్యక్రమం నిర్వహించారు. ఈ సందర్భంగా ఆమె మాట్లాడుతూ.. అమ్మాయిల పట్ల ఎవరైనా అసభ్యంగా ప్రవర్తించినా, ముట్టుకోవటానికి యత్నించినా, తదితరాలుగా వేధించినా, సైబర్ క్రైమ్‌కు పాల్పడినా.. వెంటనే 87126 59953 నెంబర్‌కు ఫోన్ చేయాలన్నారు. ఫోన్ చేసిన వారి వివరాలు గోప్యంగా ఉంటాయన్నారు. ఈ కార్యక్రమంలో షీ టీం సభ్యులు సత్యమోహన్రావు పాల్గొన్నారు.