ఆశాలతో స్ఫుటం డబ్బాలు మోయించడం సరికాదు

ఎదులాపురం: ఆశా కార్యకర్తలతో స్ఫుటం డబ్బాలు మోయించడం సరికాదని సీఐటీయూ జిల్లా అధ్యక్షుడు బొజ్జ ఆశన్న అన్నారు. ఈ విషయమై ఆశాల సంఘం ఆధ్వర్యంలో క్షయ నివారణ కార్యక్రమ అధికారి సాయి ప్రియకు వినతి పత్రం అందించారు.  ఈ సందర్భంగా ఆయన మాట్లాడుతూ.. అధికారులు స్ఫుటం డబ్బాల గురించి టార్గెట్ పెట్టి ఆశాలని ఇబ్బంది పెడుతున్నారన్నారు.  టార్గెట్ పూర్తి కాకపోతే జీతాలు కట్ చేస్తామని బెదిరిస్తున్నారని ఆరోపించారు. గతంలో సేకరించిన  స్ఫుటం డబ్బాల డబ్బులు 3 సంవత్సరాలవి పెండింగ్ ఉన్నాయన్నారు. కార్యక్రమంలో సీఐటీయూ జిల్లా ఉపాధ్యక్షులు అగ్గిమల్ల స్వామి,ఆశా యూనియన్ జిల్లా కార్యదర్శి సుజాత, ఆశా యూనియన్ నాయకులు పలువురు పాల్గొన్నారు.