పోక్సో కేసులో ప్రిన్సిపల్‌కు ఐదేళ్ల జైలు

ముంచంగిపుట్టు, న్యూస్‌టుడే: ముంచంగిపుట్టు ప్రభుత్వ జూనియర్‌ కళాశాలలో చదువుతున్న బాలికపై లైంగిక వేధింపులకు పాల్పడిన కేసులో ప్రిన్సిపల్‌ నాగసాయి నరసింహమూర్తికి కోర్టు ఐదేళ్ల జైలు శిక్ష, రూ.50 వేల జరిమానా విధించింది. దీనికి సంబంధించి ఎస్సై రవీంద్ర తెలిపిన వివరాలు ఇలా ఉన్నాయి... 2018లో స్థానిక ప్రభుత్వ జూనియర్‌ కళాశాలలో నరసింహమూర్తి అదనపు బాధ్యతలపై ప్రిన్సిపల్‌గా విధులు నిర్వహించారు. ఆ సమయంలో ఓ బాలికపై లైంగిక వేధింపులకు పాల్పడ్డారు. ఇంటర్మీడియట్‌ పబ్లిక్‌ పరీక్షల్లో ఆమె జవాబుపత్రాలు మార్చేసి బాలిక పరీక్షలో ఫెయిల్‌ అవ్వడానికి కారణమయ్యారు. దీనిపై బాలిక, కుటుంబసభ్యులు ఇచ్చిన ఫిర్యాదు మేరకు 2018లో కేసు నమోదైంది. విచారణ అనంతరం విశాఖపట్నంలోని స్పెషల్‌ పోక్సో కోర్టు పైవిధంగా శిక్ష విధించినట్లు ఎస్సై వెల్లడించారు.