రూ.2.66 లక్షల వెండి ఆభరణాల సమర్పణ

కృష్ణాపురం (పమిడిముక్కల), న్యూస్‌టుడే: కృష్ణాపురంలోని  గంగాపార్వతీసమేత ఆనంద రామేశ్వరస్వామికి ఆదివారం దాతలు రూ.2.66 లక్షల విలువైన వెండి ఆభరణాలు సమర్పించారు. అమ్మవారికి 1.25 లక్షలతో చేయించిన నల్లపూసల గొలుసును చలసాని ఝాన్సీలక్ష్మి (అమెరికా), రూ.1.06 లక్షల విలువైన వెండి కవచం, మకరతోరణమును కృష్ణాపురం వాస్తవ్యులు యలమంచిలి జయరామకృష్ణప్రసాద్‌, డాక్టర్‌ మన్నే నాగభాస్కరరావు, రూ.35 వేలతో విఘ్నేశ్వరునికి వెండి కిరీటాన్ని పిన్నమనేని ఝాన్సీలక్ష్మి సమర్పించారు. దాతలు ప్రత్యేక పూజల అనంతరం అన్నసంతర్పణ చేశారు. స్థానికులు మోటూరు వెంకటసుబ్బయ్య తదితరులు పాల్గొన్నారు.