సీపీ రామకృష్ణ బాధ్యతల స్వీకరణ

విజయవాడ నేరవార్తలు, న్యూస్‌టుడే : ఎన్టీఆర్‌ జిల్లా పోలీస్‌ కమిషనర్‌గా పి.హెచ్‌.డి.రామకృష్ణ గురువారం బాధ్యతలు స్వీకరించారు. ఇప్పటి వరకు ఇక్కడ సీపీగా పనిచేసిన కాంతిరాణాను ఎన్నికల సంఘం బదిలీ చేసింది. ఆయన స్థానంలో రామకృష్ణను నియమిస్తూ బుధవారం ఉత్తర్వులు జారీ చేసిన విషయం విదితమే. బుధవారం ఆయన విజయవాడకు విచ్చేశారు. కార్యాలయంలో సాయుధ బలగాల గౌరవ వందనం స్వీకరించారు. అనంతరం బాధ్యతలు చేపట్టారు. అనంతరం డీజీపీ కె.వి.రాజేంద్రనాథరెడ్డిని మర్యాదపూర్వకంగా కలిశారు. పుష్పగుచ్ఛం ఇచ్చి కృతజ్ఞతలు తెలియజేశారు. ఈ కార్యక్రమంలో డీసీపీలు కె.శ్రీనివాసరావు, అధిరాజ్‌సింగ్‌ రాణా, ఉదయరాణి, టి.హరికృష్ణ, కె.చక్రవర్తి, బి.రామకృష్ణ, ఏడీసీపీలు టి.కనకరాజు, కృష్ణమూర్తినాయుడు, శ్రీహరిబాబు, డి.ప్రసాద్‌ ఏసీపీలు, సీఐలు ఇతర అధికారులు పాల్గొన్నారు.