వాహనం ఢీకొని కాడెద్దులు మృతి

సంఘటనా స్థలంలో మృతి చెందిన ఎద్దులు

రొద్దం: ఎడ్లబండ్లను వాహనం వెనుక నుంచి ఢీకొన్న ఘటనలో రెండు కాడెద్దుల మృతి చెందాయి. స్థానికుల కథనం ప్రకారం... మండలంలోని తురకలాపట్నం గ్రామానికి చెందిన రైతులు పురుషోత్తం, రాంగోపాల్‌, భాస్కర్‌ ఆదివారం ఉదయం తమ ఎడ్లబండ్లతో పెన్నానదిలో ఇసుక తరలింపునకు వెళ్తున్నారు. పెనుకొండ వైపు నుంచి వస్తున్న పాల వాహనం పాతర్లపల్లి సమీపంలో రహదారిపై వెళ్తున్న ఎడ్లబండ్లకు వెనుక నుంచి ఢీకొంది. ఈ ప్రమాదంలో పురుషోత్తంకు చెందిన ఎద్దుల అక్కడికక్కడే మృతి చెందాయి. రాంగోపాల్‌కు చెందిన ఒక ఎద్దుకు గాయాలయ్యాయి. ఇద్దరు రైతులు స్వల్పంగా గాయపడ్డారు. డ్రైవర్‌ నిర్లక్ష్యంతో కాడి ఎద్దులు మృతి చెందినట్లు రైతులు ఆరోపించారు. పోలీసులు కేసు నమోదు చేశారు.