అధికారుల నిర్లక్ష్యం.... గ్రామస్థులకు శాపం

శివాలయం వీధిలో పేరుకుపోయిన మురుగు

కందుకూరు, న్యూస్‌టుడే: నెలలు గడుస్తున్నా పాలకులు శ్రద్ధ చూపకపోవడంతో  అనంతపురం గ్రామీణ పరిధిలోని కందుకూరులో పారిశుద్ధ్యం పడకేసింది. పలు ప్రాంతాల్లో మురుగుకాలువలు లేక ఇళ్ల నుంచి వచ్చే మురుగుతో రోడ్లు నిండాయి. వాల్మీకి విగ్రహం వెనక, ఎస్సీ కాలనీల్లో పరిస్థితి అధ్వానంగా ఉంది. దోమలు, పందులకు నిలయంగా మారడంతో గ్రామంలో జ్వరాలు విజృంభిస్తున్నాయి. చెత్త తరలించే వాహనాలు శిథిలవడంతో పలు వీధుల్లో చెత్త పేరుకు పోయింది.

గ్రామసచివాలయంలో వృథాగా చెత్తతరలించే వాహనాలు

త్వరలోనే సీసీరోడ్డు వేస్తాం

సీసీ రోడ్డు తక్కువ ఎత్తులో ఉన్నందున మురుగు, వర్షం నీరు నిలబడి బురదమయంగా మారింది. సమస్యను అధికారుల దృష్టికి తీసుకెళ్లాం. గతవారం మండల ఇంజినీరు వచ్చి కొత్తరోడ్డు నిర్మాణానికి కొలతలు తీసుకువెళ్లారు. 150మీటర్లు సీసీరోడ్డు వేసేందుకు ప్రణాళికలు సిద్ధమయ్యాయి.

నరసింహరెడ్డి, పంచాయతీ కార్యదర్శి