వైకాపా ప్రచారానికి వెళ్లలేదని మాజీ వాలంటీరుపై దాడి

కళ్యాణదుర్గం గ్రామీణం: వైకాపా ప్రచారానికి వెళ్లలేదని పట్టణంలోని 19 వార్డు కౌన్సిలర్‌ భాగ్యమ్మ, ఆమె కుమారుడు మారుతి పరుష పదజాలంతో దుర్భాషలాడి దాడికి పాల్పడ్డారని మాజీ వాలంటీరు నళిని ఆరోపించారు. సోమవారం ఆమె మాట్లాడారు. ‘ఇటీవల వాలంటీరు ఉద్యోగానికి రాజీనామా చేయించారు. పార్టీపై అభిమానంతో ప్రచారంలో పాల్గొంటున్నా. రెంండ్రోజుల నుంచి అనారోగ్యం కారణంగా ప్రచారానికి వెళ్లలేకపోయాను. సోమవారం సాయంత్రం కౌన్సిలర్‌ ఇంటి వద్ద ఓటర్ల సెల్‌ఫోన్‌ నంబర్లు రాస్తుండగా ఎందుకు ప్రచారానికి రాలేదని దాడి చేశారు. ప్రశ్నించినందుకు నాతోపాటు అమ్మ, చెల్లిపై దాడి చేశారని నళిని కన్నీటి పర్యంతమయ్యారు.