తిరుపతిలో తెదేపా శ్రేణుల సంబరాలు

ఎన్టీఆర్‌ విగ్రహం వద్ద తెదేపా సంబరాలు

తిరుపతి(నగరం): రాష్ట్రంలో వైకాపా పతనం మొదలైందని.. ఆ పార్టీని ప్రజలేకాదు.. సొంత పార్టీ ఎమ్మెల్యేలు కూడా ఛీకొడుతున్నారని తెదేపా తిరుపతి పార్లమెంట్‌ నియోజకవర్గ అధ్యక్షుడు జి.నరసింహయాదవ్‌ అన్నారు. పంచుమర్తి అనురాధ విజయం సాధించడంపై గురువారం నగరంలోని పార్లమెంట్‌ కార్యాలయం ఎదుట ఆ పార్టీ నాయకులు సంబరాలు చేసుకున్నారు. నాయకులు బాణసంచా కాల్చుతూ మిఠాయిలు తినిపించుకున్నారు. కార్యక్రమంలో నాయకులు కిరణ్‌యాదవ్‌, సింగంశెట్టి సుబ్బరామయ్య, చేజర్ల మనోహరాచారి, రుద్రకోటి సదాశివం, మురళి, రామయాదవ్‌, పెంచలయ్య, నీలమ, కల్పన, నటరాజు తదితరులు పాల్గొన్నారు. ః నగరంలోని ఎన్టీఆర్‌ విగ్రహం ఎదుట గురువారం రాత్రి మాజీ ఎమ్మెల్యే సుగుణమ్మ ఆధ్వర్యంలో తెలుగు తమ్ముళ్లు సంబరాలు చేసుకున్నారు. నాయకులు బాణసంచా కాల్చుతూ... తొడకొట్టి ప్రభుత్వానికి సవాల్‌ విసిరారు. కార్యక్రమంలో కార్పొరేటర్‌ ఆర్సీ మునికృష్ణ, నాయకులు వి.విజయకుమార్‌, బుల్లెట్‌ రమణ, దంపూరి భాస్కర్‌యాదవ్‌, సుబ్బుయాదవ్‌, ఆనంద్‌గౌడ్‌, ఆముదాల తులసీరామ్‌, ఊట్ల సురేంద్రనాయుడు, పుష్పావతి యాదవ్‌, కరాటే చంద్ర, వేణుగోపాల్‌నాయుడు, విశ్వనాథం పాల్గొన్నారు.