Janasena: అభిమానం తగ్గేదేలే.. వివాహ వేదికపై జనసేన కండువాలతో..

రామచంద్రపురం: జనసేన అధినేత పవన్‌ కల్యాణ్‌పై నూతన వధువరులు అభిమానాన్ని చాటుకున్న వైనం సామాజిక మాధ్యమాల్లో హల్‌చల్‌ చేస్తోంది. వివాహ వేదికపై పార్టీ కండువాలు వేసుకుని తగ్గేదెలే అంటూ స్టిల్‌ను ఇవ్వడం జనసేన అభిమానుల్ని ఆకట్టుకుంది. ఈ నెల 3వ తేదీ రాత్రి 9..44 గంటలకు రంగంపేట మండలం దొడ్డిగుంటకు చెందిన ఇనకోటి రాజా, రామచంద్రపురం మండలం ఎరుపల్లికి చెందిన హేమభరణితో దొడ్డిగుంటలో వివాహం జరిగింది. ఆహ్వాన పత్రికపై ఓ వైపు వివాహ వేడుక వివరాలు, మరో పక్క పవన్‌కల్యాణ్‌ ఫొటోతోపాటు జనసేన ప్రీ మేనిఫెస్టోని ప్రచురించడం అందరినీ ఆకర్షించింది. ఈ వివాహానికి జనసేన స్థానిక నాయకులు హాజరై వధూవరులను దీవించారు.