సద్దుల బతుకమ్మ వేడుకలకు ఏర్పాట్లు

ఎల్లమ్మ చెరువు కట్టపై విద్యుత్తు వెలుగులు, పడవలను సిద్ధం చేస్తున్న సిబ్బంది

పెద్దపల్లి, న్యూస్‌టుడే: పెద్దపల్లిలో సోమవారం నిర్వహించే సద్దుల బతుకమ్మ వేడుకలకు మున్సిపల్‌ అధికారులు ఏర్పాట్లు పూర్తి చేశారు. పట్టణంలోని ఎల్లమ్మ చెరువు మినీ ట్యాంక్‌బండ్‌పై విద్యుత్తు దీపాలను ఏర్పాటు చేశారు. బతుకమ్మల నిమజ్జన సమయంలో ఎవరూ చెరువులోకి దిగకుండా బారికేడ్లు వేశారు. మరోవైపు సద్దుల బతుకమ్మకు పూల కొనుగోళ్లతో పెద్దపల్లిలోని జెండాకూడలి ప్రాంతం కిక్కిరిసిపోయింది. వాహనాలను సాగర్‌రోడ్డు వైపు మళ్లించారు. జెండాకూడలి వైపు వాహనాలు వెళ్లకుండా వివిధ మార్గాలను మూసివేశారు.

పెద్దపల్లి జెండా కూడలి వద్ద పూల కొనుగోలుకు రద్దీ