చారిత్రక నాటక సుప్రసిద్ధులు..కోలాచలం

రాఘవ సంగీతభవన్‌లో కోలాచలం శ్రీనివాసరావు చిత్రపటానికి పుష్పాంజలి ఘటిస్తున్న ఆర్‌.ఎం.ఎ ప్రముఖులు

బళ్లారి గ్రామీణ, న్యూస్‌టుడే: నాటకాల్ని జనరంజకం చేసిన సుప్రసిద్ధ రచయిత చారిత్రక నాటక పితామహుడు కోలాచలం శ్రీనివాసరావని రాఘవ స్మారక సంఘం గౌరవ అధ్యక్షుడు కనుగోలు చన్నప్ప పేర్కొన్నారు. గురువారం కోలాచలం శ్రీనివాసరావు వర్ధంతిని పురస్కరించుకుని రాఘవ సంగీత భవన్‌లో ఏర్పాటు చేసిన కార్యక్రమంలో ఆయన పాల్గొని కోలాచలం చిత్రపటానికి పుష్పాంజలి ఘటించారు. తెలుగు నాటక రంగ అభ్యుదయ వికాసాలకు కృషి చేసిన మహనీయడన్నారు. ప్రపంచ నాటక చరిత్రను ఆంగ్లభాషలో రచించి నాటక రంగంపై ఆంగ్లభాషలో వెలవడిన తొలి గొప్ప గ్రంథంగా కీర్తినందించిన నాటకకర్త కోలాచలం అన్నారు. చారిత్రక నాటక రచనలతో నాటకానికి నవ్యదిశను కల్పించిన నాటక పితామహుడని, భగవద్గీతపై విపులమైన వ్యాఖ్యానం రాసి, ఎంతో గొప్ప జ్ఞానసంపదను తెలుగువారికి అందించిన గీతార్థవ్యాఖ్యాత కోలాచలం శ్రీనివాసరావు అని కీర్తించారు. రచయితగా, వ్యాసకర్తగా, పరిశోధకుడిగా తెలుగు నాటక రంగానికి ఆయన అందించిన సేవలు చిరస్మరణీయమన్నారు. విశ్రాంత ఉపన్యాసకుడు బసవరాజు కొలాచలం జీవిత చరిత్రను వివరించారు. కార్యక్రమంలో రాఘవస్మారక సంఘం ప్రతినిధులు రమేష్‌గౌడ పాటిల్‌, పంపనగౌడ, రామాంజినేయులు, డా.సురేంద్రబాబు, జి.ఆర్‌.వెంకటేశులు, శాంసుందర్‌, శ్రీనివాసులు, కృష్ణ, అమరేంద్రచౌదరి, డా.గాదిలింగనగౌడ, రామచంద్ర, గోపాలకృష్ణ, కొలాచలం కుటుంబసభ్యులు పాల్గొన్నారు.