కూలిన చిరు విమానం

కుప్పకూలి.. కాలిపోతున్న శకలాల వద్ద స్థానికులు

చామరాజనగర, న్యూస్‌టుడే : శిక్షణ కోసం వినియోగిస్తున్న మినీ విమానం కర్ణాటకలోని చామరాజనగర జిల్లా హెచ్‌ మూకహళ్లి వద్ద కుప్పకూలింది. విమానం కూలిపోవడానికి ముందుగా అందులో ఉన్న పైలెట్లు తేజ్‌పాల్‌, భూమిక పారాచూట్ల సహకారంతో కిందకు దూకి ప్రాణాలు కాపాడుకున్నారు. పొలంలో పడిన విమానం ఇంజినుతో సహా కొంత భాగం దగ్ధమైంది. విమానం శిథిలాలను చూసేందుకు స్థానిక గ్రామాల నుంచి పెద్ద సంఖ్యలో స్థానికులు చేరుకున్నారు. ఇంజినులో లోపం తలెత్తడంతోనే అది కుప్పకూలిందని ప్రాథమిక దర్యాప్తులో అంచనాకు వచ్చారు.

పారాచూట్ల సహాయంతో ప్రాణాలు దక్కించుకున్న తేజ్‌పాల్‌ ,భూమిక