బలహీన వర్గాల అభివృద్ధి ప్రదాత ఎన్టీఆర్‌

నివాళులర్పిస్తున్న కూరపాటి తదితరులు

ఖానాపురం హవేలి, న్యూస్‌టుడే: ఉమ్మడి ఆంధ్రప్రదేశ్‌లో బడుగు, బలహీన వర్గాల అభివృద్ధికి ఎన్టీఆర్‌ బాటలు వేశారని నేతలు కొనియాడారు. తెదేపా వ్యవస్థాపకుడు ఎన్టీఆర్‌ 26వ వర్ధంతిని ఖమ్మంలో మంగళవారం నిర్వహించారు. పార్టీ ఖమ్మం లోక్‌సభ కమిటీ అధ్యక్షుడు కూరపాటి వెంకటేశ్వర్లు ఆధ్వర్యంలో సేవా కార్యక్రమాలు చేశారు. తొలుత ఎన్టీఆర్‌ భవన్‌లో ఉచిత నేత్ర, రక్తదాన శిబిరాలు ప్రారంభించారు. అనంతరం ఎన్టీఆర్‌ కూడలిలో విగ్రహానికి గజమాల వేసి నివాళులు అర్పించారు. నిరుపేద వృద్ధులకు దుప్పట్లు, వస్త్రాలు పంపిణీ చేశారు. నాయకులు  హరీశ్‌, సీతయ్య, నాగేశ్వరరావు,  రంజిత్‌, నవీన్‌, విజయ్‌,  శ్రీనివాస,  తదితరులు పాల్గొన్నారు.