అక్రమాలకు పాల్పడితే కఠిన చర్యలు

సి.బెళగల్‌ : మండల కేంద్రమైన సి.బెళగల్‌ పోలీస్‌ స్టేషన్‌లో ఎస్సైగా ఏసీపీ పీరయ్య బుధవారం బాధ్యతలు స్వీకరించారు. ఈ సందర్భంగా ఆయన మాట్లాడుతూ గ్రామాల్లో ఏమైనా సమస్యలుంటే నేరుగా తన దృష్టికి తీసుకురావాలన్నారు. మట్కా, మద్యం, గుట్కా అమ్మకాలు జరిపితే కఠిన చర్యలు తీసుకుంటామని హెచ్చరించారు. ఈయన నంద్యాల వన్‌టౌన్‌ నుంచి బదిలీపై సి.బెళగల్‌కు పదోన్నతిపై వచ్చారు. స్వగ్రామం కడప జిల్లా శంఖవరం. ఆయన ప్యాపిలి, దేవనకొండ, ఆస్పరి, గూడూరు, చాగలమర్రి, వివిధ పోలీసుస్టేషన్లలో ఎస్సైగా విధులు నిర్వహించారు. ఈ సందర్భంగా సి.బెళగల్‌ వైకాపా నాయకులు ఆకుల బస్సయ్య, ఎస్‌.ఎం. బాషా, బజారీ, తదితరులు ఎస్సైకు శుభాకాంక్షలు తెలిపారు.