భాజపాతోనే దేశాభివృద్ధి

రామారెడ్డి: భాజపాతోనే దేశాభివృద్ధి చెందుతుందని జహీరాబాద్ భాజపా ఎంపీ అభ్యర్థి బీబీ పాటిల్ అన్నారు. శనివారం రామారెడ్డిలో కాలభైరవ స్వామి ఆలయంలో పూజలు చేసి స్ట్రీట్ కార్నర్ సమావేశంలో మాట్లాడారు. పదేళ్లలో గ్రామాల అభివృద్ధికి నిరంతరం కృషి చేసినట్లు పేర్కొన్నారు. మరోసారి కమలం పువ్వు గుర్తుకు ఓటు వేయాలని ప్రజలకు సూచించారు. ప్రధానమంత్రి నరేంద్ర మోదీ సారథ్యంలో దేశం మరింతగా అభివృద్ధి చెందుతుందని పేర్కొన్నారు. రాష్ట్ర నాయకులు లక్ష్మారెడ్డి, ఆంజనేయులు, మాజీ ఎమ్మెల్యే గంగారం, భాజపా మండల అధ్యక్షుడు ఈశ్వర్, ఉపాధ్యక్షుడు సందీప్, గ్రామ అధ్యక్షుడు దేవిదాస్, మోహన్ రెడ్డి, నరేష్ తదితరులు పాల్గొన్నారు.