ఆధార్‌ కేంద్రం లేక అవస్థలు

మూతపడిన కేంద్రం

కొండమల్లేపల్లి తహసీల్‌ కార్యాలయం ఆవరణలో గల ఆధార్‌ నమోదు కేంద్రంలో పది రోజుల క్రితం దొంగలు పడి కంప్యూటర్‌ ఎత్తుకెళ్లారు. దీంతో నాటి నుంచి కేంద్రం మూతపడింది. వేరే కంప్యూటర్‌లో సాంకేతికతను అప్‌లోడ్‌ చేయాలని సంబంధిత అధికారులకు విన్నవించుకున్నామని కేంద్రం నిర్వాహకులు తెలిపారు. అధికారుల అలసత్వంతో పది రోజులైనప్పటికీ సాంకేతికను అప్‌లోడ్‌ చేయకపోవడంతో ఆధార్‌ కేంద్రంలో అవసరమున్న వారు అవస్థలు పడుతున్నారు. పీఎం కిసాన్‌ పథకం కింద లబ్ధి పొందుతున్న రైతులు ఈకేవైసీ చేయించుకోవడం కోసం కేంద్రానికి వచ్చి ఖాళీగా వెళ్తున్నారు. తప్పని పరిస్థితిలో పలువురు ఏడు కి.మీ.దూరంలో ఉన్న దేవరకొండకు వెళ్తున్నారు. ఇకనైనా సంబంధిత అధికారులు చొరవ తీసుకుని వెంటనే ఆధార్‌ కేంద్రాన్ని తెరిపించాలని ప్రజలు కోరుతున్నారు.

- కొండమల్లేపల్లి, న్యూస్‌టుడే