యువకుడి బలవన్మరణం

కోరబోయిన కృష్ణ

వలిగొండ, న్యూస్‌టుడే: పురుగుమందు తాగి యువకుడు బలవన్మరణానికి పాల్పడిన ఘటన మండలంలోని నాతాళ్లగూడెంలో గురువారం ఆలస్యంగా వెలుగులోనికి వచ్చింది. పోలీసులు, స్థానికుల కథనం ప్రకారం... గ్రామానికి చెందిన కోరబోయిన యాదయ్య- ఎల్లమ్మ దంపతుల ఏకైక కుమారుడు కృష్ణ(29) హైదరాబాద్‌లో ప్రైవేట్‌ ఉద్యోగం చేస్తున్నాడు. స్వగ్రామంలో కొత్త ఇల్లు కట్టుకోవాలని తలచి శిథిలావస్థలో ఉన్న ఇంటిని కూల్చివేశారు. ఇంటి నిర్మాణానికి సరిపడా డబ్బులు లేక కలత చెంది మంగళవారం పురుగుమందు తాగి ఆపస్మారక స్థితికి చేరాడు. కుటుంబ సభ్యులు గమనించి చికిత్స నిమిత్తం హైదరాబాద్‌కు తీసుకెళ్లగా అక్కడ చికిత్స పొందుతూ బుధవారం సాయంత్రం మృతి చెందాడు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై మహేందర్‌ గురువారం తెలిపారు.