జీసీసీ లక్ష్యాలపై దృష్టి

అధికారులతో సమీక్షిస్తున్న ఎండీ సురేష్‌కుమార్‌

సాలూరు, గ్రామీణం, న్యూస్‌టుడే: గిరిజనులకు గిట్టుబాటు ధర కల్పిస్తూ లక్ష్యాలను సాధించాలని అధికారులకు జీసీసీ ఎండీ జి.సురేష్‌కుమార్‌ సూచించారు. శనివారం సాలూరులో డీఎం మహేంద్రకుమార్‌, గుమ్మలక్ష్మీపురం, సాలూరు డివిజన్ల అధికారులతో సమీక్షించారు. ఈ ఏడాది లక్ష్యం, ఇప్పటి వరకు సాధించిన ప్రగతి వివరాలపై ఆరా తీశారు. డిపోలు, పెట్రోల్‌ బంకులు, వ్యవసాయ ఉత్పత్తులు, రుణాలు, ఇతర వ్యాపారాల లక్ష్యం రూ.60 కోట్లు ఉండగా రూ.42.5 కోట్లు సాధించినట్లు తెలిపారు. ఎనిమిది ఆర్‌బీకేల ద్వారా రూ.6 కోట్ల విలువైన ధాన్యం కొనుగోలు చేశామన్నారు. ఎండీ మాట్లాడుతూ.. చింతపండు కొనుగోలుకు రూపొందించిన మార్గదర్శకాలు పాటించాలన్నారు. ఎండు ఉసిరి, నల్ల జీడి, కుంకుడు       కాయలకు పెంచిన ధరలను అమలు చేసి కొనుగోలు చేయాలన్నారు. జీసీసీ పాత భవనాల మరమ్మతులకు ప్రతిపాదనలు చేసి పంపించాలన్నారు. బీఎంలు రామారావు, కృష్ణప్రసాదరావు తదితరులు ఉన్నారు.