నామినేషన్‌కు తరలివెళ్లిన తెదేపా తమ్ముళ్లు

బలిజిపేట: తెదేపా ఎమ్మెల్యే అభ్యర్థి బోనెల విజయచంద్ర గురువారం నామినేషన్‌కు వెళ్తున్న సందర్భాన్ని పురస్కరించుకుని బలిజిపేట మండలంలోని అన్ని గ్రామాల నుంచి తెలుగు తమ్ముళ్లు పార్వతీపురం జిల్లా కేంద్రానికి తరలివెళ్లారు. తెదేపా మండల అధ్యక్షుడు పెంకి వేణుగోపాలనాయుడు, క్లస్టరు ఇన్‌ఛార్జిలు, గ్రామస్థాయి తెదేపా నాయకుల ఆధ్వర్యంలో కార్యకర్తలు, అభిమానులు వేర్వేరుగా ఆటోలు, ద్విచక్రవాహనాలు, లారీలు, వ్యాన్లపై పసుపు జెండాలు చేతపట్టి విజయచంద్ర జిందాబాద్‌ అంటూ నినాదాలు చేస్తూ అతనికి మద్దతుగా ర్యాలీ చేశారు. పార్వతీపురం పట్టణంగా పచ్చదనంతోనే నిండిపోయిందని పార్టీ అధ్యక్షులు వేణుగోపాలనాయుడు అన్నారు.