11న ఒంగోలుకు చంద్రబాబు

9న జనసేనాని రాక ?

ఒంగోలు గ్రామీణం, న్యూస్‌టుడే: సార్వత్రిక ఎన్నికల ప్రచారంలో భాగంగా ఈ నెల 11న తెదేపా అధినేత, మాజీ ముఖ్యమంత్రి చంద్రబాబు నాయుడు ఒంగోలు రానున్నారు. ఆ రోజున మధ్యాహ్నం 3 గంటలకు నగరంలో రోడ్డుషోతో పాటు, స్థానికులనుద్దేశించి ప్రసంగించనున్నారు. ఎన్నికల ప్రచారానికి 11వ తేదీ సాయంత్రం 5 గంటలకు తుది గడువు కానున్న నేపథ్యంలో ఆయన చివరి ప్రసంగం ఒంగోలులోనే ఇవ్వనున్నారు. జనసేన అధినేత పవన్‌కల్యాణ్‌ ఈ నెల 9వ ఒంగోలు వచ్చే అవకాశం ఉందని విశ్వసనీయంగా తెలిసింది. ఆ రోజు రాకుంటే 11న చంద్రబాబుతో కలిసి పాల్గొనే అవకాశముందని  సమాచారం. ఆయన పర్యటనపై జిల్లా తెదేపా నాయకులు చర్చిస్తున్నారు.