తెదేపాకు పూర్వవైభవం

ఆవిర్భావ దినోత్సవంలో పార్టీ నేతలు

కవిటిలో నిర్వహించిన ద్విచక్ర వాహన ర్యాలీలో ఎమ్మెల్యే అశోక్‌, తదితరులు

తెదేపాకు పూర్వవైభవం తీసుకువచ్చి, ఎన్టీఆర్‌ ఆశయసాధనకు కృషిచేస్తామని వక్తలు పేర్కొన్నారు. తెదేపా ఆవిర్భావ దినోత్సవం బుధవారం జిల్లా వ్యాప్తంగా ఘనంగా నిర్వహించారు. పలు ప్రాంతాల్లో ద్విచక్రవాహన ర్యాలీలు నిర్వహించారు. అనంతరం ఎన్టీఆర్‌ విగ్రహాలకు పూలమాలలు వేసి నివాళులర్పించారు. కేక్‌లు కోసి అభిమానులకు తినిపించారు. పార్టీ సీనియర్‌ నాయకులు, కార్యకర్తలు పలువురిని సన్మానించారు. రాష్ట్ర ప్రజలు వైకాపా పాలనతో విసిగిపోయారని రాబోయే ఎన్నికల్లో తెదేపా అధికారం దక్కించుకుంటుదని ఈ సందర్భంగా నాయకులు ధీమా వ్యక్తం చేశారు.

న్యూస్‌టుడే బృందం