రాజ్యాంగంపై అవగాహన అవసరం

ఆవడి, న్యూస్‌టుడే: రాజ్యాంగంపై కళాశాల విద్యార్థులందరు అవగాహన కలిగి ఉండటం అవసరమని జిల్లా మాజీ న్యాయమూర్తి కిల్లివలవన్‌ సూచించారు. ఆవడి సమీపం పట్టాభిరామ్‌లో ఉన్న ధర్మమూర్తి రావు బహదూర్‌ కలవల కన్నన్‌శెట్టి హిందూ కళాశాలలో రాజ్యాంగ దినోత్సవం నిర్వహించారు. కిల్లివలవన్‌ ముఖ్యఅతిథిగా మాట్లాడుతూ... ప్రజలందరు రాజ్యాంగాన్ని అనుసరించాలన్నారు. విద్యార్థులకు నిర్వహించిన పోటీలలో విజేతలకు ఆయన ధ్రువపత్రం, ట్రోఫీలను అందించి, అభినందించారు. కళాశాల ప్రిన్సిపల్‌ కల్వికక్కరసి, న్యాయశాఖ సంచాలకుడు రాజేంద్రనాయుడులు అతిథిని సత్కరించారు. కార్యక్రమంలో విద్యార్థులు, ఉపాధ్యాయులు పాల్గొన్నారు.