సామాజిక సేవలో పాఠశాల విద్యార్థులు

పక్షులకు ఆహారం, నీరు పెడుతున్న దృశ్యం

విల్లివాక్కం: ధర్మపురి జిల్లా పాడి గ్రామానికి చెందిన ప్రభుత్వ పాఠశాల విద్యార్థులు ‘ఫీనిక్స్‌’ పేరుతో ఓ స్వచ్ఛంద సంస్థను స్థాపించారు. ఈ సంస్థ ద్వారా పూకానహల్లి గ్రామంలోని చెరువులు, ప్రభుత్వ పాఠశాలలు, ప్రభుత్వ కార్యాలయాలు, ఆస్పత్రులతో పాటు పలు ప్రాంతాలలో మొక్కలు నాటి సంరక్షిస్తున్నారు. వివిధ కార్యక్రమాలను పురస్కరించుకుని గత 4 ఏళ్లలో సుమారు 5 వేల మొక్కలకు పైగా నాటారు. ఈ నేపథ్యంలో వేసవి ప్రారంభమైనందున గ్రామంలోని చెరువులు, బావుల్లో ప్రజల భాగస్వామ్యంతో పూడికతీత పనులు చేపట్టారు. పక్షులకు డబ్బాల్లో గింజలు, నీరు నింపి చెట్లకు వేలాడదీస్తున్నారు. వీరి సేవలను పలువురు ప్రశంసిస్తున్నారు.