నాలుగు జిల్లాలకు రెడ్‌ అలర్ట్‌

సముద్రంలో ఎగిసిపడుతున్న అలలు

ప్యారిస్‌, న్యూస్‌టుడే: సముద్రంలో 1.8 మీటర్ల ఎత్తుకు అలలు ఎగిసిపడుతుండటంతో కన్నియాకుమరి, తూత్తుక్కుడి, తిరునెల్వేలి, రామనాథపురం జిల్లాలకు వాతావరణశాఖ రెడ్‌ అలర్ట్‌ జారీ చేసింది. తమిళనాడు సముద్రతీర ప్రాంతాల్లో శని, ఆదివారాల్లో సముద్రం అల్లకల్లోలంగా ఉంటుందని వాతావరణ పరిశోధన కేంద్రం, జాతీయ సముద్ర సమాచార సేవా కేంద్రం, జాతీయ విపత్తు నిర్వహణ సంస్థ హెచ్చరించాయి. శనివారం తెల్లవారుజాము నుంచి ఆదివారం రాత్రి వరకు సముద్రం కల్లోలంగా ఉంటుందని, అలలు పెద్ద ఎత్తున ఎగిసి పడతాయని తెలిపాయి. కావున ప్రజలు సముద్ర తీరాలకు వెళ్లొద్దని హెచ్చరించింది. కన్నియాకుమరి, తూత్తుక్కుడి, తిరునెల్వేలి, రామనాథపురం తదితర సముద్రతీర ప్రాంతాలకు రెడ్‌ అలర్ట్‌, చెన్నై పుదుచ్చేరి, కడలూరు సముద్రతీరాలకు ఆరెంజ్‌ అలర్ట్‌ జారీ అయింది. జాలర్లు చేపల వేటకు సముద్రంపైకి వెళ్లకూదని, పడవలను సురక్షితం ప్రాంతాల్లో నిలపాలని, తీర ప్రాంతవాసులు అప్రమత్తంగా ఉండాలని సూచించాయి.