గంజాయి తరలిస్తున్న కారుకు ప్రమాదం.. స్మగ్లర్లు పరారీ

అనంతగిరి (విశాఖ): అక్రమంగా గంజాయి తరలిస్తున్న కారు ప్రమాదానికి గురైంది. ఈ ఘటన విశాఖ జిల్లా అనంతగిరి ఘాట్‌రోడ్డులో చోటుచేసుకుంది. అనంతగిరి పోలీసులు తెలిపిన వివరాల ప్రకారం గురువారం అరకులోయ ప్రాంతంన ఉంచి మైదాన ప్రాంతానికి వెళ్తున్న ఓ కారు హెయిర్‌పిన్‌ బ్యాండ్‌ 8 సమీపంలో రక్షణ గోడను ఢీకొట్టింది. ఈ ప్రమాదంతో కారులో ఉన్న గంజాయి మూటలు చెల్లాచెదురుగా బయటకు పడ్డాయి. అనంతరం గంజాయి స్మగ్లర్లు కారును విడిచిపెట్టి అక్కడి నుంచి పరారయ్యారు. సమాచారం అందుకున్న అనంతగిరి ఎస్సై రాము తమ సిబ్బందితో ఘటనాస్థలానికి చేరుకుని పరిశీలించారు.