జనసేనలోకి వైకాపా నేత మన్యాల శ్రీనివాస్‌

వంశీకృష్ణ శ్రీనివాస్‌తో మన్యాల శ్రీనివాస్‌, ఇతర నాయకులు

వన్‌టౌన్‌, న్యూస్‌టుడే: రానున్న ఎన్నికల్లో తెదేపా, జనసేన, భాజపా కూటమి విజయం సాధించడం ఖాయమని దక్షిణ నియోజకవర్గ జనసేన అభ్యర్థి వంశీకృష్ణ శ్రీనివాస్‌ అన్నారు. బుధవారం ఉదయం తెదేపా కార్యాలయంలో జరిగిన కార్యక్రమంలో 29వ వార్డుకు చెందిన వైకాపా బీసీ సెల్‌ అధ్యక్షులు మన్యాల శ్రీనివాస్‌, అనుచరులు జనసేన పార్టీలో చేరారు. వంశీకృష్ణ శ్రీనివాస్‌ వారికి పార్టీ కండువాలను వేసి సాదరంగా స్వాగతం పలికారు. మన్యాల శ్రీనివాస్‌ మాట్లాడుతూ కాంగ్రెస్‌, వైకాపాలకు 25ఏళ్లగా తాను  సేవలందించానని, అయినప్పటికీ వైకాపా నాయకులు తనను వేధించారన్నారు. రాష్ట్రానికి చంద్రబాబు, పవన్‌కల్యాణ్‌ సారథ్యం అవసరమని, యువతకు ఉపాధి కలగాలంటే కూటమి అధికారంలోకి రావాలన్నారు. వాసుపల్లి గణేష్‌కుమార్‌ను ఓడించి తగిన బుద్ధి చెబుతామన్నారు. వంశీకృష్ణ గెలుపునకు శక్తివంచన లేకుండా కృషి చేస్తామన్నారు. వైకాపా బీసీ సెల్‌ నాయకులు మైలపల్లి సూర్యారావు, పాలికల పెద్దరాజు, పెందుర్తి గిరిబాబు, పెద్దాత తేజ తదితరులు జనసేనలో చేరిన వారిలో ఉన్నారు.