‘నైపుణ్య’ భారతంలో ‘బంగరు’ యువత

న్యూస్‌టుడే, విశాఖపట్నం : ప్రతిభకు సానబెట్టారు.. బంగరు విజేతలై నిలిచారు. విశాఖ నగరంలోని పదకొండు వేదికలపై.. ‘ఇండియా స్కిల్స్‌-2021’ పోటీలు శనివారం ముగిశాయి. ఇందులో నైపుణ్యం చూపిన వారు పతకాలు అందుకుని జాతీయ స్థాయి పోటీలకు ఎంపికయ్యారు. బంగారు పతక విజేతలకు రూ.21 వేలు, వెండి పతక విజేతలకు రూ.11వేల చొప్పున నగదు బహమతి అందించారు. ఈ సందర్భంగా బంగారు పతకాలు సాధించిన పలువురు యువత ఈ విజయం వెనుక వారి కృషి.. భవిష్యత్తు లక్ష్యాలను ‘న్యూస్‌టుడే’తో పంచుకున్నారు.

ఆసక్తే నన్ను ఎంపిక చేసింది

పేరు : కె.లావణ్య సాయికుమార్‌

విభాగం : మొబైల్‌ అప్లికేషన్స్‌ డెవలప్‌మెంట్‌

ఊరు : పాత డెయిరీ ఫారం, విశాఖపట్నం

విజయనగరం ఎం.వి.జి.ఆర్‌. కళాశాలలో సి.ఎస్‌.ఇ.లో ఇంజినీరింగ్‌ నాలుగో సంవత్సరం చదువుతున్నాను. మొబైల్‌ రిపేరింగ్‌మీద ఆసక్తి ఉండటంతో స్కిల్‌ డెవలప్‌మెంట్‌ వారు శిక్షణ ఇచ్చారు. స్వర్ణపతకం సాధించడం ఆనందంగా ఉంది.

విజేతనవుతా..

పేరు : ఆర్‌.శ్రీహరి

విభాగం : సైబర్‌ సెక్యూరిటీ

ఊరు : బాడంగి, విజయనగరం జిల్లా

 ప్రాంతీయ స్థాయిలో విజేతగా నిలవడం ఆనందంగా ఉంది. దీన్ని మరింత సాధనచేసి జాతీయ స్థాయిలోనూ విజేతగా నిలవాలన్నది నా అభిలాష.