ధర చిక్కింది.. ఆవేదన మిగిలింది

రామభద్రపురం మార్కెట్లో చిక్కుడు అమ్మకాలు

రామభద్రపురం, న్యూస్‌టుడే: జిల్లాలో అతిపెద్దదైన రామభద్రపురం కూరగాయల మార్కెట్లో కాటాబంజి చిక్కుడు కాయల ధర ఒక్కసారిగా పడిపోవడంతో రైతులు తీవ్ర ఆవేదన వ్యక్తం చేస్తున్నారు. ఈనెల మొదటి వారంలో కిలో చిక్కుడు కాయల ధర రూ.60 పలికింది. ప్రస్తుతం మార్కెట్‌ పరిధిలో కిలో రూ.10కు పడిపోవడంతో పెట్టుబడులు కూడా రాలేదని అన్నదాతలు వాపోతున్నారు. ఇక్కడ వ్యాపారులంతా సిండికేట్‌ అవుతున్నారని ఆరోపిస్తున్నారు. రామభద్రపురం గ్రామానికి చెందిన రైతు శ్రీను మాట్లాడుతూ.. కొనుగోలుకు వ్యాపారులెవరూ ముందుకు రావడం లేదని, ఎకరా సాగుకు రూ.40 వేల మదుపు పెడితే కనీసం రూ.20 వేలు కూడా రాలేదన్నారు.

శ్రీను, రైతు