తండ్రికి అనారోగ్యం..మనస్తాపంతో కుమారుడి ఆత్మహత్య

భీమవరం పట్టణం, న్యూస్‌టుడే: తండ్రి అనారోగ్యానికి గురికావడంతో మనస్తాపానికి గురైన వ్యక్తి పురుగుల మందు తాగి చికిత్స పొందుతూ మృతిచెందారు. భీమవరం పట్టణ ఎస్సై ఎస్‌.సత్యసాయి కథనం ప్రకారం.. భీమవరం పరిధి నర్సయ్య అగ్రహారానికి చెందిన ఆర్‌.ఉమామహేశ్వరరావు (52) అవిహితుడు. ఆయన తండ్రితో కలిసి ఉంటున్నారు. ఇటీవల తండ్రి అనారోగ్యానికి గురికావడంతో పట్టణంలోని ప్రైవేటు ఆసుపత్రిలో చేర్చారు. ఈ విషయం తెలిసి మనోవ్యధకు గురైన ఉమామహేశ్వరరావు ఈ నెల 3న పురుగులమందు తాగి అస్వస్థతకు గురయ్యారు. దీనిని గుర్తించిన సోదరుడు అతడిని పట్టణంలోని ప్రైవేటు ఆసుపత్రిలో చేర్చగా అక్కడ చికిత్స పొందుతూ మంగళవారం మృతి చెందారు. ఈ ఘటనపై కేసు నమోదు చేసి దర్యాప్తు చేపట్టినట్లు ఎస్సై చెప్పారు.