మంత్రులూ.. ఎప్పుడిస్తారు బిల్లులు?
కడప నగరంలోని జిల్లా పరిషత్తు కార్యాలయ సమావేశమందిరంలో సోమవారం ఛైర్మన్ ఆకేపాటి అమర్నాథ్రెడ్డి అధ్యక్షతన జిల్లా పరిషత్తు సర్వసభ్య సమావేశం జరిగింది.
గత రెండేళ్లుగా ఎదురు చూస్తున్నాం
జడ్పీ సమావేశంలో సభ్యుల నిలదీత
ఈనాడు డిజిటల్, కడప, న్యూస్టుడే, జిల్లా పరిషత్తు
‘ప్రభుత్వం ప్రతిష్టాత్మకంగా తలపట్టిన సచివాలయ భవన నిర్మాణాలు చేపట్టాలంటూ అధికారులు మాపై ఒత్తిడి తెచ్చారు. గుత్తేదారులను బతిమాలి పనులు చేయించాం. పనులు పూర్తయి రెండేళ్లవుతోంది. ఇప్పటికీ బిల్లులు చెల్లించలేదు. బిల్లులు చెల్లించాలని గుత్తేదారులు మాపై తీవ్ర ఒత్తిడి తెస్తున్నారు. గ్రామాల్లో తిరగాలంటే ఇబ్బందిగా ఉంది. జిల్లా బాధ్య మంత్రి ఆదిమూలపు సురేష్, ఉపముఖ్యమంత్రి అంజాద్బాషా ఉన్నారు. ఏం ప్రయోజనం? గత మూడేళ్లుగా పాత ఎస్ఎస్ఆర్ ధరలే అమలు చేస్తున్నారు’ అని వీరపునాయునిపల్లె ఎంపీపీ రఘునాథరెడ్డి, చక్రాయపేట, వేంపల్లె, కమలాపురం జడ్పీటీసీ సభ్యులు శివప్రసాద్రెడ్డి, రవికుమార్రెడ్డి, సుమిత్ర ఆవేదన వ్యక్తం చేశారు. మూడేళ్లవుతున్నా ఇంకా తెదేపా పేరు చెప్పి బిల్లుల విషయంలో తప్పించుకునే ప్రయత్నం చేస్తే ఎలాగని ప్రశ్నించారు. గ్రామీణ రహదారుల విషయంలో ప్రజల్లో తలెత్తుకునే పరిస్థితి లేదని వాపోయారు.
కడప నగరంలోని జిల్లా పరిషత్తు కార్యాలయ సమావేశమందిరంలో సోమవారం ఛైర్మన్ ఆకేపాటి అమర్నాథ్రెడ్డి అధ్యక్షతన జిల్లా పరిషత్తు సర్వసభ్య సమావేశం జరిగింది. సమావేశంలో జిల్లా బాధ్య మంత్రి ఆదిమూలపు సురేష్, ఉప ముఖ్యమంత్రి అంజాద్బాషా, రాయచోటి, బద్వేలు ఎమ్మెల్యేలు శ్రీకాంత్రెడ్డి, సుధ, వైయస్ఆర్, అన్నమయ్య జిల్లాల కలెక్టర్లు విజయరామరాజు, గిరీష, జేసీ సాయికాంత్వర్మ, ట్రైనీ కలెక్టర్ రాహుల్మీనా తదితరులు పాల్గొన్నారు. ఈ సందర్భంగా మంత్రి ఆదిమూలపు సురేష్ మాట్లాడుతూ వైయస్ఆర్ పశు బీమా పథకం కింద 15 రోజుల్లో నష్టపరిహారం చెల్లిస్తామని తెలిపారు. ప్రజా ప్రతినిధులు వారి ఇబ్బందులు తమ దృష్టికి తీసుకొచ్చారని, గత ప్రభుత్వం నీరు-చెట్టు పనులకు సంబంధించి రూ.2,200 కోట్ల బకాయిలను ప్రభుత్వంపై ఉంచిందన్నారు. బిల్లుల చెల్లింపుల్లో జాప్యంపై సీఎం జగన్ దృష్టికి తీసుకెళ్లి వీలైనంత త్వరగా సమస్యను పరిష్కరిస్తామన్నారు. ప్రభుత్వ సంక్షేమ పథకాల అమలు కార్యక్రమాల్లో ప్రజాప్రతినిధులను ఆహ్వానించకపోవడం, పెద్దగా ప్రాధాన్యం ఇవ్వకపోవడం వంటివి చోటుచేసుకోరాదని, వారిని తప్పనిసరిగా గౌరవించాలన్నారు. అనంతరం జడ్పీ ఛైర్మన్ ఆకేపాటి అమర్నాథ్రెడ్డి మాట్లాడుతూ 15వ ఆర్థిక సంఘం నిధుల నుంచి 2023-24కుగానూ సీపీడబ్ల్యూఎస్ పథకాల నిర్వహణ నిమిత్తం టెండర్లను నిర్వహించి తక్కువ కోడ్ చేసిన గుత్తేదారునికి పనులు అప్పగించడానికి ఆమోదాన్ని కోరారు. రాజంపేట డివిజన్లో 9 పనులకు రూ.8.35 కోట్లు, పులివెందుల డివిజన్లో 7 పనులకు రూ.11.3 కోట్లు, కడప డివిజన్లో 6 పనులకు రూ.7.51 కోట్లకు ఆమోదించామన్నారు. కార్యక్రమంలో జడ్పీ సీఈవో సుధాకర్రెడ్డి, డిప్యూటీ సీఈవో రమణారెడ్డి, జడ్పీ వైస్ ఛైర్మన్లు బాలయ్య, శారద, జడ్పీటీసీ సభ్యులు, ఎంపీపీలు, అధికారులు పాల్గొన్నారు.
బాధిత రైతులను ఆదుకోండి
* వ్యవసాయ, ఉద్యాన శాఖలపై చక్రాయపేట జడ్పీటీసీ సభ్యుడు శివప్రసాద్ మాట్లాడుతూ మామిడి పంటను ప్రభుత్వమే కొనుగోలు చేసి దళారుల నుంచి విముక్తి కల్పించాలని కోరారు. దీనిపై ఉద్యాన శాఖ అధికారులు మాట్లాడుతూ కొనుగోలుదారులు, అమ్మకందారులతో సమావేశం నిర్వహించి సమస్యను పరిష్కరిస్తామన్నారు.
* కమలాపురం జడ్పీటీసీసభ్యురాలు సుమిత్ర మాట్లాడుతూ జిల్లాలో మినుము, శనగ పంటలు కోతకొచ్చాయని, ప్రభుత్వం కొనుగోలు కేంద్రాలు ఏర్పాటు చేయాలని కోరారు. దీనిపై మార్క్ఫెడ్ అధికారులు స్పందిస్తూ శనగల కొనుగోలుకు 26 కేంద్రాలను గుర్తించామని, మినుముల కొనుగోలు కూడా ఈ కేంద్రాల్లోనే చేపడతామని వివరించారు.
* వీఎన్పల్లె ఎంపీపీ రఘునాథరెడ్డి మాట్లాడుతూ వీఎన్పల్లె మండలంలో 10 వేల ఎకరాలు పత్తి పంట సాగైందని, ఇందులో 9,465 ఎకరాల్లో ఎర్రతెగులు సోకి పూర్తిగా దెబ్బతిందని, బాధిత రైతులను ఆదుకోవాలని విన్నవించారు. దీనిపై వ్యవసాయశాఖాధికారులు మాట్లాడుతూ ప్రభుత్వ నిబంధనల ప్రకారం 33 శాతం పంట దెబ్బతింటే నష్టపరిహారం చెల్లిస్తామన్నారు.
* కాశినాయన జడ్పీటీసీ సభ్యుడు సత్యనారాయణరెడ్డి మాట్లాడుతూ బద్వేలు నియోజకవర్గంలో మూడేళ్లుగా బిందు, తుంపర సేద్యం పరికరాలివ్వలేదన్నారు.
పశువులకు మందులేవి?
జిల్లాలో పశువులకు మందుల్లేవని, అంబులెన్స్లు అందుబాటులోకి రావడంలేదని సభ్యులు ధ్వజమెత్తారు. చక్రాయపేట, వేంపల్లె జడ్పీటీసీ సభ్యులు శివప్రసాద్రెడ్డి, రవికుమార్రెడ్డి మాట్లాడుతూ ఆవులు చనిపోతే రెండేళ్లుగా బీమా రావడం లేదని నిలదీశారు. చక్రాయపేట, నాగులగుట్టపల్లెలో ఆసుపత్రుల్లో రెండు నూతన భవనాలు ప్రారంభించారని, అక్కడ పారిశుద్ధ్య సిబ్బందిని నియమించాలని కోరారు. దీనిపై జేసీ సాయికాంత్వర్మ స్పందించి హెడ్డీఎస్ ఫండ్ కింద నిర్వహణ ఖర్చులు వినియోగించుకోవాలని సూచించారు.
* బద్వేలు ఎమ్మెల్యే సుధ మాట్లాడుతూ పోరుమామిళ్ల ఆసుపత్రిలోని బ్లడ్ బ్యాంకు స్టోరేజి యూనిట్ను డ్రగ్ ఇన్స్పెక్టరు వచ్చి పరిశీలించి ప్రారంభించాలని కోరారు.
* వీఎన్పల్లె ఎంపీపీ రఘునాథరెడ్డి మాట్లాడుతూ వీఎన్పల్లెలో ప్రాథమిక ఆరోగ్య కేంద్రం వైద్యులు సాయంత్రం 5 గంటల అనంతరం అందుబాటులో ఉండడం లేదన్నారు.
* కో-ఆప్షన్ సభ్యుడు కరీముల్లా మాట్లాడుతూ ఖాజీపేట మండలంలో అంగన్వాడీ సూపర్వైజర్లు స్థానికంగా ఉండడంలేదని తెలిపారు.
* ప్రభుత్వ పీఆర్ అండ్ ఆర్డీ సలహాదారు నాగార్జున మాట్లాడుతూ ప్రభుత్వ సంక్షేమ పథకాల అమలులో ప్రజాప్రతినిధులను భాగస్వాములయ్యేటట్లు చూడాలని, వారికి తగిన గౌరవమివ్వాలని కోరారు. పోరుమామిళ్లలో 9 మంది వైద్యులు ఉండాల్సిన చోట ముగ్గురు మాత్రమే విధులను నిర్వర్తిస్తున్నారని, అక్కడ పూర్తిస్థాయిలో వైద్యుల నియమించాలని కోరారు. ఆరోగ్యశ్రీ పథకం కింద వైద్య సేవలు సక్రమంగా అందడంలేదని పేర్కొన్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఓ అన్న మాట్లాడాల్సిన మాటలేనా?.. షర్మిల చీరపై జగన్ అభ్యంతరకర వ్యాఖ్యలు
[ 26-04-2024]
పులివెందులలో సీఎం జగన్ చేసిన వ్యాఖ్యలు సర్వత్రా చర్చనీయాంశంగా మారాయి. సొంత చెల్లెళ్లపై ఆయన మాట్లాడిన తీరును చూసి జనం మండిపడుతున్నారు. -
జగన్ ఓ విధ్వంసకారి!
[ 26-04-2024]
‘జగన్ ఒక అహంకారి...విధ్వంసకారి.. రాష్ట్రాన్ని దోచేసిన వ్యక్తిని ఇంటికి పంపాల్సిన అవసరం ఎంతైనా ఉంది. ఐదేళ్లు పరదాలు కట్టుకుని తిరిగాడు. నేను, కిరణ్కుమార్రెడ్డి ముఖ్యమంత్రులుగా పని చేశాం. -
30 నుంచి కడపపైనే షర్మిల దృష్టి!
[ 26-04-2024]
కడప ఎంపీ స్థానానికి నామినేషన్ దాఖలు చేసిన పీసీసీ అధ్యక్షురాలు వైఎస్ షర్మిల ఈ నెల 30వ తేదీ నుంచి తన సొంత నియోజకవర్గంపైనే ప్రత్యేక దృష్టి సారించనున్నారు. -
శ్మశానంపై హామీ ఇస్తేనే ఓట్లు అడగండి!
[ 26-04-2024]
తమ గ్రామానికి శ్మశానం, రహదారి ఏర్పాటు చేస్తామని స్పష్టమైన హామీనిస్తేనే నాయకులు వచ్చి ఓట్లు అడగాలని సిద్దవటం మండలం కడపాయపల్లె ఎస్సీ కాలనీ వాసులు ఫెక్సీ ఏర్పాటు చేసి వినూత్నంగా నిరసన తెలిపారు. -
నేతలకు చంద్రబాబు ఎన్నికల బాధ్యతల అప్పగింత
[ 26-04-2024]
రాజంపేటకు చెందిన కీలక నేతలతో గురువారం తెదేపా అధినేత, మాజీ సీఎం నారా చంద్రబాబునాయుడు భేటీ అయ్యారు. రాజంపేట నియోజవర్గంపై సమీక్షిస్తూ విజయానికి ఢోకా లేదని.. -
జగన్ బటన్ నొక్కినా... జమకాని దీవెన డబ్బులు
[ 26-04-2024]
దీవెనల పేరుతో విద్యార్థులకు ఇస్తున్న నగదు రాకపోవడంతో ఆందోళన వ్యక్తమవుతోంది. జగనన్న విద్యా దీవెన కింద బీసీ, ఎస్సీ, ఈబీసీ, కాపు, ఎస్టీ, ముస్లిం, క్రిస్టియన్ వర్గాలకు చెందిన ఐటీఐ, డిప్లొమా -
కేసులు తప్పించుకోవాలని ఒకరు... ఆస్తి పంచివ్వలేదని మరొకరు
[ 26-04-2024]
కడప పార్లమెంట్ స్థానానికి పోటీలో కేసులు తప్పించుకోవాలని ఒకరు, ఆస్తి పంచి ఇవ్వలేదని మరొకరు పోటీకొచ్చారని, తాను అలా కాకుండా తెదేపాను. -
ఉపాధికి వెళ్లి... విగత జీవులుగా మారి!
[ 26-04-2024]
కర్ణాటక రాష్ట్ర రాజధాని బెంగళూరులో గురువారం జరిగిన రైలు ప్రమాదంలో జిల్లాలోని రామసముద్రం మండలానికి చెందిన ముగ్గురు యువకులు దుర్మరణం పాలయ్యారు. -
వాహన ‘మిత్ర ద్రోహం’... వైకాపా వారికే స్థానం
[ 26-04-2024]
తాము అధికారంలోకి వస్తూనే ఆటో, ట్యాక్సీ డ్రైవర్లకు రూ.10 వేలు ఇస్తామని చెప్పిన ముఖ్యమంత్రి తూతూ మంత్రంగా కొంతమందికి మాత్రమే అందజేసి అర్హులైన కొందరిని పక్కన పెట్టారు. -
కనుల ముందుకు కలల లోకం
[ 26-04-2024]
ఎప్పుడెప్పుడా అని ఎదురు చూస్తున్న వేసవి సెలవులు రానే వచ్చాయి.. వస్తూ వస్తూ ప్రపంచ ప్రఖ్యాత రామోజీ ఫిల్మ్సిటీలో వినోదాల వేడుకలను తీసుకువచ్చాయి.
తాజా వార్తలు (Latest News)
-
టీఎస్బీపాస్తోనే అనుమతులు.. డీపీఎంఎస్ విధానం పూర్తిగా నిలుపుదల
-
కొండయ్య.. లెక్కే వేరు
-
తితిదే వద్దనున్న రూ.2 వేల నోట్లు మార్పిడి!
-
విశాఖ ఉక్కు భూముల విషయంలో యథాతథ స్థితి పాటించండి
-
‘యూటీఎస్’ పరిధి పెంపు.. ఇక ఎంత దూరం నుంచైనా జనరల్ టికెట్ కొనచ్చు..
-
చిరంజీవిని విమర్శిస్తే ఖబడ్దార్.. వైకాపాకు సీఎం రమేశ్ హెచ్చరిక