14న ఏపీ, టీఎస్‌ రవాణాశాఖ మంత్రుల భేటీ

హైదరాబాద్‌: తెలంగాణ రవాణాశాఖ మంత్రి పువ్వాడ అజయ్‌కుమార్‌, ఏపీ రవాణా మంత్రి పేర్ని నాని సోమవారం హైదరాబాద్‌లో భేటీ కానున్నారు. తెలుగు రాష్ట్రాల మధ్య ఆర్టీసీ బస్సులు నడిపే విషయమై భేటీలో చర్చించనున్నారు. మంత్రులతో పాటు ఇరు రాష్ట్రాల ఆర్టీసీ ఎండీలు, అధికారులు పాల్గొన్నారు.

కరోనా నేపథ్యంలో లాక్‌డౌన్‌ మొదలైనప్పటి నుంచి రెండు రాష్ట్రాల మధ్య ఆర్టీసీ బస్సుల రాకపోకలు నిలిచిపోయాయి. ఇరు రాష్ట్రాల మధ్య ఆర్టీసీ బస్సుల రాకపోకలకు కొత్తగా ఒప్పందం చేసుకోవాలని, ఆ తర్వాతే బస్సులు నడపాలని తెలంగాణ ప్రభుత్వం స్పష్టం చేయడంతో బస్సు సర్వీసుల పునరుద్ధరణకు ప్రతిష్టంభన ఏర్పడింది. రేపటి సమావేశంలో రెండు రాష్ట్రాల మధ్య చర్చలు సఫలమైతే ఆర్టీసీ బస్సులు గతంలో మాదిరిగా నడిచే అవకాశముంది.