CJI: అంతర్జాతీయ ఆర్బిట్రేషన్‌ సెంటర్‌ వల్ల హైదరాబాద్‌కు మరింత పేరు: సీజేఐ జస్టిస్‌ ఎన్‌.వి. రమణ

హైదరాబాద్‌: అంతర్జాతీయ ఆర్బిట్రేషన్‌, మీడియేషన్‌ సెంటర్‌ (ఐఏఎంసీ) శాశ్వత భవన నిర్మాణానికి సుప్రీం కోర్టు ప్రధాన న్యాయమూర్తి, ఐఏఎంసీ ట్రస్ట్‌ రూపకర్త జస్టిస్‌ ఎన్‌.వి.రమణ భూమిపూజ చేశారు. హైదరాబాద్‌ హైటెక్స్‌లోని ఐకియా వెనుక ఈ కార్యక్రమం జరిగింది. ఈ కార్యక్రమంలో ట్రస్ట్‌ సభ్యులు, సుప్రీం కోర్టు న్యాయమూర్తులు జస్టిస్‌ ఎల్‌.నాగేశ్వరరావు, జస్టిస్‌ హిమాకోహ్లి, మాజీ న్యాయమూర్తి జస్టిస్‌ ఆర్వీ రవీంద్రన్‌, హైకోర్టు ప్రధాన న్యాయమూర్తి జస్టిస్‌ సతీష్‌చంద్ర శర్మ, రాష్ట్ర మంత్రులు ఇంద్రకరణ్‌రెడ్డి, మహమూద్‌ అలీ, కేటీఆర్‌, సబితా ఇంద్రారెడ్డి, శ్రీనివాస్‌గౌడ్‌ పాల్గొననున్నారు.

ఈ సందర్భంగా ఏర్పాటు చేసిన సభలో సీజేఐ జస్టిస్‌ ఎన్‌.వి. రమణ మాట్లాడారు. ‘‘ఇప్పటికే హైదరాబాద్‌ అంతర్జాతీయ ఆర్బిట్రేషన్‌ సెంటర్‌ కొనసాగుతోంది. గచ్చిబౌలిలో విలువైన భూమి కేటాయించినందుకు కేసీఆర్‌కు ధన్యవాదాలు. అంతర్జాతీయ ఆర్బిట్రేషన్‌ సెంటర్‌ వల్ల హైదరాబాద్‌కు మరింత పేరొస్తుంది. సింగపూర్‌లా హైదరాబాద్‌ కేంద్రం కూడా ప్రపంచ ఖ్యాతి పొందాలి. వచ్చే ఏడాది ఈ సమయానికి నిర్మాణం పూర్తి కావాలని ఆశిస్తున్నా’’ అని సీజేఐ అన్నారు.