Breaking | Feedback | ePratibha | E-PAPER | Pratibha

వాట్సప్‌ వీడియో స్టేటస్‌ ఇక 15 సెకన్లే!

లాక్‌డౌన్‌ నేపథ్యంలో ప్రజలంతా ఇళ్లకే పరిమితమయ్యారు. దీంతో ఇంటర్నెట్‌ వినియోగం విపరీతంగా పెరిగిపోయింది. వీరిలో కొంతమంది వర్క్‌ ఫ్రం హోమ్‌ లేదా ఇతర పనుల్ని చక్కబెట్టుకోవడానికి ఆన్‌లైన్‌ని.....

Updated : 30 Mar 2020 14:25 IST

ఇంటర్నెట్‌ డెస్క్‌: లాక్‌డౌన్‌ నేపథ్యంలో ప్రజలంతా ఇళ్లకే పరిమితమయ్యారు. దీంతో ఇంటర్నెట్‌ వినియోగం విపరీతంగా పెరిగిపోయింది. వీరిలో కొంతమంది వర్క్‌ ఫ్రం హోమ్‌ లేదా ఇతర పనుల్ని చక్కబెట్టుకోవడానికి ఆన్‌లైన్‌ని వినియోగిస్తుంటే మరికొంతమంది కాలక్షేపం కోసం నెట్‌ని తెగ వాడేస్తున్నారు. దీంతో ఇంటర్నెట్‌ వేగం తగ్గిపోయింది. ఈ పరిణామాల నేపథ్యంలో ప్రముఖ ఇన్‌స్టంట్‌ మెసెంజర్‌ వాట్సాప్‌ కీలక నిర్ణయం తీసుకుంది. ప్రస్తుతం 30 సెకన్లుగా ఉన్న స్టేటస్‌ వీడియోల నిడివిని 15 సెకన్లకు కుదించింది. ఈ విషయాన్ని వాబీటాఇన్‌ఫో వెల్లడించింది. ఇది ఇండియన్‌ యూజర్లకు మాత్రమే వర్తించనుంది.

ఇంట్లో ఖాళీగా ఉంటున్న నెటిజన్లు వాట్సాప్‌ స్టేటస్‌లలో విపరీతంగా వీడియోలు అప్‌లోడ్‌ చేస్తున్నారు. దీంతో సర్వర్లపై భారం పడుతోంది.. అందువల్లే ఈ నిర్ణయం తీసుకున్నట్లు సమాచారం. అలాగే నెట్‌ని అధికంగా వినియోగించడం వల్ల వేగం కూడా తగ్గుతుందని.. ఇతర ముఖ్యమైన పనులు నిర్వహించుకోవడానికి ఇది అడ్డంకిగా మారే అవకాశం ఉండడం కూడా మరో కారణమని తెలుస్తోంది. ఇప్పటికే నెట్‌ వినియోగం పెరగడంతో ప్రముఖ వీడియో స్ట్రీమింగ్‌ సైట్లు, యాప్‌లు నెట్‌ఫ్లిక్స్‌, అమెజాన్‌ వీడియో, యూట్యూబ్‌, ఫేస్‌బుక్‌ వీడియో స్ట్రీమింగ్‌ క్వాలిటీని తగ్గించిన విషయం తెలిసిందే. కరోనా వైరస్‌ వ్యాప్తిని కట్టడి చేయడం కోసం దేశంలో 21 రోజుల పాటు లాక్‌డౌన్‌ కొనసాగుతున్న సంగతి విదితమే.

► Read latest General News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.