GHMC: హైదరాబాద్‌లో హై అలర్ట్‌ ప్రకటించిన జీహెచ్‌ఎంసీ

హైదరాబాద్‌: జంట నగరాల్లోని పలు ప్రాంతాల్లో భారీ వర్షం కురిసే అవకాశం ఉన్నందున హైదరాబాద్‌ వాసులను జీహెచ్‌ఎంసీ అప్రమత్తం చేసింది. ఈ మేరకు నగరంలో హై అలర్ట్‌ ప్రకటించింది. అత్యవసరమైతే తప్ప బయటకు రావొద్దని సూచించింది. సహాయం కోసం 9000113667 నంబర్‌ను సంప్రదించాలని తెలిపింది. 70లక్షల మందిని ఎస్‌ఎంఎస్‌ల ద్వారా అప్రమత్తం చేసింది.

ఆగస్టు 1 వరకు 3 విడతల్లో లాగ్‌అవుట్‌

మరోవైపు, నగరంలో భారీ వర్ష సూచన నేపథ్యంలో.. ఐటీ ఉద్యోగుల పని వేళల్లో మార్పులను ఈ నెల 27 నుంచి వచ్చే నెల 1 వరకు కొనసాగించాలని సైబరాబాద్ పోలీసులు సూచించారు. ట్రాఫిక్‌కు అంతరాయం ఏర్పరకుండా.. 3 దశలుగా విధుల ముగింపు వేళలు ఉండాలని పేర్కొంది.

ఫేజ్‌-1 మధ్యాహ్నం 3 గంటలకు.. : ఐకియా నుంచి సైబర్‌ టవర్స్‌ దారిలోని సంస్థలు, రహేజా మైండ్‌స్పేస్‌లోని కంపెనీలు, టీసీఎస్‌, హెచ్‌ఎస్‌బీసీ, డెల్‌, ఫీనిక్స్‌, ఒరాకిల్‌, క్వాల్‌కామ్‌, టెక్‌ మహీంద్ర, పూర్వా సమ్మిట్‌లోని కంపెనీలు.

ఫేజ్‌-2 సాయంత్రం 4 గంటలకు.. : ఐకియా, బయోడైవర్సిటీ, రాయదుర్గం సమీప ప్రాంతాల్లోని నాలెడ్జ్‌ సిటీ, నాలెడ్జ్‌ పార్క్‌, టీహబ్‌, గెలాక్సీ, ఎల్‌టీఐ అండ్‌ ట్విట్జా, కమర్జోమ్‌, ఆర్‌.ఎం.జడ్‌ నెక్సిటీ, స్కైవ్యూ, దివ్యశ్రీ ఓరియన్‌, అసెండాస్‌, ఇతర కంపెనీలు.

ఫేజ్‌-3 మధ్యాహ్నం 3-6 గంటల మధ్య: మైక్రోసాఫ్ట్‌, ఇన్ఫోసిస్‌, విప్రో, సెంటారస్‌, బ్రాడ్‌వే, విర్టుసా, బీఎస్‌ఆర్‌ ఐటీపార్క్‌, ఐసీఐసీఐ, వేవ్‌రాక్‌, అమెజాన్‌, హనీవెల్‌, హిటాచీ, సత్వా క్యాపిటల్‌, క్యాప్‌ జెమిని, ఫ్రాంక్లిన్‌ టెంపుల్టన్‌, క్యూసిటీ, డీఎల్‌ఎఫ్‌, ఇతర ఐటీ పార్కుల్లోని కంపెనీలు.