Video: గాయని ఊర్వశిపై కరెన్సీ నోట్ల వర్షం

కచ్‌: గుజరాత్‌కు చెందిన ఓ జానపద గాయనిపై కరెన్సీ నోట్ల(Currency Notes) వర్షం కురిసింది. స్టేజ్‌పై ఆమె తన బృందంతో కలిసి పాడుతున్నంతసేపూ అభిమానులు కరెన్సీ నోట్లను వెదజల్లుతూనే ఉన్నారు. దీంతో ఆ వేదిక అంతా కరెన్సీతో నిండిపోయింది. కచ్‌(Kutch)లో గోశాల పనుల కోసం నిధుల సేకరణలో భాగంగా ఏర్పాటు చేసిన  సంగీత కచేరీలో జానపద గాయని ఊర్వశీ రాధాదియా(Uravashi Radadiya) ఆహ్వానించారు. కచ్‌లో గురువారం జరిగిన ఈ సంగీత కచేరిలో ఊర్వశీ తన గాత్రంతో ప్రేక్షకుల్ని మంత్రముగ్దుల్ని చేశారు. ఆమె పాటలు పాడుతున్న క్రమంలో అభిమానులు, ప్రేక్షకులు కరెన్సీ నోట్లు వెదజల్లుతున్న వీడియో చక్కర్లు కొడుతోంది. ఈ వీడియోను ఊర్వశీ రాదాదియా తన ‘ఎక్స్‌’ (ట్విటర్‌) ఖాతాలో రీపోస్ట్‌ చేశారు.