గర్భిణిని రక్షించిన రైల్వే పోలీసులు

ఇంటర్నెట్‌ డెస్క్‌: రైల్వే పోలీసులు సమయస్ఫూర్తితో వ్యవహరించి ఓ గర్భిణి ప్రాణాలు కాపాడారు. జయ్‌ధన్‌రాయ్‌, బంధన్‌రాయ్‌ దంపతులు గౌహతి ఎక్సప్రెస్‌లో బెంగళూరు వెళుతున్నారు. బంధన్‌రాయ్‌ నిండుగర్భిణి. తూర్పు గోదావరి జిల్లా సామర్లకోట దాటిన తర్వాత బంధన్‌రాయ్‌కి పురుటినొప్పులు మొదలయ్యాయి. దీంతో రైలులోని వారు రైల్వే టోల్ ‌ఫ్రీం నంబర్‌కు సమాచారమందించారు. దీంతో రైలును తుని రైల్వేస్టేషన్‌లో నిలిపిన పోలీసులు ఆమెను ఆంబులెన్స్‌లో ఆసుపత్రికి తరలించారు. ఆసుపత్రిలో ఆమెకు సుఖ ప్రసవం జరిగింది. బంధన్‌రాయ్‌కి మగ బిడ్డ జన్మించాడు. తల్లీబిడ్డా క్షేమంగా ఉండటంతో అందరూ సంతోషం వ్యక్తం చేశారు.