Rosaiah: బడ్జెట్ ప్రవేశపెట్టే ముందు రోశయ్య ఏం మాట్లాడేవారంటే?

హైదరాబాద్‌: ఉమ్మడి ఆంధ్రప్రదేశ్ ఆర్థికశాఖ మంత్రిగా బాధ్యతలు నిర్వర్తించిన రోశయ్య.. ఆర్థిక క్రమశిక్షణను విస్మరించలేదు. డబ్బు వృథా చేయొద్దని చెప్పేవారు. డబ్బు ముడేయటమంటే.. చెడు కాదని అభిప్రాయపడేవారు. ఉమ్మడి ఏపీలో 15సార్లు బడ్జెట్ ప్రవేశపెట్టిన నేతగా ఆయన గుర్తింపు సాధించారు. ఆర్థిక నిపుణుడిగా పేరుపొందిన రోశయ్య.. 2005-06లో బడ్జెట్ ప్రవేశపెట్టే ముందు కీలక వ్యాఖ్యలు చేశారు. ఏ రాష్ట్రమైనా అభివృద్ధి చెందాలంటే.. ప్రణాళిక వ్యయం పెరగాలని, ప్రణాళికేతర వ్యయం తగ్గాలని అభిప్రాయపడేవారు. డబ్బును విచ్చలవిడిగా ఖర్చు చేయడం అనవసరమని ఆయన భావించేవారు.

అసెంబ్లీలో విపక్షాలపై వ్యంగ్యాస్త్రాలు..!

అసెంబ్లీలో రోశయ్య తనదైన శైలిలో విపక్షాలపై వ్యంగ్యాస్త్రాలు సంధించేవారు. ప్రతిపక్షంలో ఉన్న తెలుగుదేశం నేతలు సభకు అడ్డుతగలడంపై.. రోశయ్య చురకలు అంటించిన తీరు అందరికీ నవ్వు తెప్పించడంతోపాటు ఆలోచింపజేసేదిగా ఉండేది. సందర్భాన్ని బట్టి ఆయన చెప్పే పిట్టకథలు ప్రతిపక్షాలకు సూదుల్లా గుచ్చుకునేవనడంలో ఎలాంటి సందేహం లేదు.

► Read latest General News and Telugu News