TS NEWS: పాఠశాలలకు సెలవులు పొడిగింపు

హైదరాబాద్‌: కరోనా నేపథ్యంలో పాఠశాలలకు వేసవి సెలవులు మరో ఐదు రోజులు పొడిగిస్తూ రాష్ట్ర ప్రభుత్వం ఉత్తర్వులు జారీ చేసింది. గతంలో పొడిగించిన వేసవి సెలవులు నేటితో ముగిశాయి. దీంతో ఈనెల 20 వరకు సెలవులు పొడిగిస్తూ పాఠశాల విద్యాశాఖ డైరెక్టర్‌ ఉత్తర్వులు జారీ చేశారు. తెలంగాణలో కరోనా వ్యాప్తి తగ్గుముఖం పట్టినప్పటికీ ఈనెల 19 వరకు లాక్‌డౌన్‌ అమల్లో ఉంది. సాయంత్రం 6గంటల నుంచి మరుసటి రోజు ఉదయం 6గంటల వరకు లాక్‌డౌన్‌ అమల్లో ఉన్న విషయం తెలిసిందే. జులై 1 నుంచి ఆన్‌లైన్‌ తరగతులతో విద్యా సంవత్సరం ప్రారంభించాలని పాఠశాల విద్యాశాఖ భావిస్తోంది.