Amaravati Padayatra: ఒక రోజు విరామం తర్వాత ‘అమరావతి మహాపాదయాత్ర’ ప్రారంభం 

ఇంకొల్లు: ఏపీ ఏకైక రాజధానిగా అమరావతినే కొనసాగించాలని రాజధాని రైతులు, మహిళలు చేస్తున్న పాదయాత్ర ఒక రోజు విరామం తర్వాత తిరిగి ప్రారంభమైంది. న్యాయస్థానం నుంచి దేవస్థానం పేరుతో చేపట్టిన యాత్ర.. తొమ్మిదో రోజైన ఇవాళ ఇంకొల్లు నుంచి దుద్దుకూరు వరకు 10.5 కిలోమీటర్ల మేర సాగనుంది. జై అమరావతి అంటూ నినాదాల మధ్య పాదయాత్ర ముందుకు కదులుతోంది. మూడు రాజధానులు, సీఆర్డీఏ రద్దుకు వ్యతిరేకంగా పోరాటం చేస్తున్న రైతులకు ఇంకొల్లు ప్రాంత రైతులు, స్థానికులు సంఘీభావం తెలిపారు. అమరావతి పరిరక్షణ సమితి, రాజధాని ఐక్య కార్యాచరణ సమితి ఆధ్వర్యంలో నిర్వహిస్తున్న యాత్ర 45 రోజుల పాటు కొనసాగి డిసెంబర్‌ 15న తిరుమలలో ముగియనుంది.