Bullet Bandi Song: ‘బుల్లెట్‌ బండి’ పాటకు తెరాస ఎంపీ స్టెప్పులు.. వీడియో

మహబూబాబాద్‌‌: ఇటీవలి కాలంలో బాగా వైరల్‌ అవుతున్న పాట ‘బుల్లెట్‌ బండి’. ఈ పాట మొదట యూట్యూబ్ లో విడుదలై మంచి ఆదరణ పొందింది. పెళ్లి కూతురు డ్యాన్స్ చేయడంతో ఒక్కసారిగా విపరీతమైన క్రేజ్ సంపాదించుకుంది. ఆ పాటపై చిన్నా పెద్దా నృత్యాలు చేస్తూ సామాజిక మాధ్యమాల్లో పంచుకుంటున్నారు. ఇప్పుడు ఏకంగా తెరాసకు చెందిన మహబూబాబాద్ ఎంపీ మాలోత్ కవిత బుల్లెట్టు బండి పాటకు ఆడిపాడారు. మహబూబాబాద్ జిల్లా కేంద్రంలో బుధవారం జరిగిన ఓ వివాహ వేడుకలో పాల్గొన్న ఎంపీ కవిత.. నూతన వధూవరులతో పాటు వారి కుటుంబసభ్యులతో కలిసి డ్యాన్స్‌ చేశారు.