AP News: ఉక్కు నిరసనలో సీఎం భాగస్వాములవ్వాలి: స్టీల్‌ ప్లాంట్‌ నిర్వాసితులు

విశాఖ: విశాఖ ఉక్కు పరిశ్రమ ప్రైవేటీకరణ నిర్ణయాన్ని వ్యతిరేకిస్తూ నిర్వాసితులు చేస్తున్న ఆందోళనలు కొనసాగుతున్నాయి. ఇందులో భాగంగా ఇవాళ ఉక్కు పరిపాలన విభాగం గేటు ఎదుట నిరసన చేపట్టారు. స్టీల్‌ప్లాంట్‌ను ప్రభుత్వ రంగ సంస్థగానే కొనసాగించాలని వారు డిమాండ్‌ చేశారు. నిర్వాసితులకు భూములు ఇవ్వాలంటూ నినదించారు. సీఎంతో పాటు ఎంపీలు, మంత్రులు, ఎమ్మెల్యేలు విశాఖ వచ్చి కార్మికుల నిరసనలో భాగస్వాములవ్వాలన్నారు. 

ప్రజాప్రతినిధులంతా కలిసి కేంద్ర ప్రభుత్వానికి వ్యతిరేకంగా పోరాటం చేయాలని డిమాండ్ చేశారు. ప్రైవేటీకరణ జరిగితే ఉద్యోగులు రోడ్డున పడతారని ఆవేదన వ్యక్తం చేశారు. స్థానిక ఎమ్మెల్యేలు, ఎంపీలు పరిశ్రమ ప్రైవేటీకరణ వ్యతిరేక ఉద్యమంలో పాల్గొనకపోతే వారి ఇళ్లను ముట్టడిస్తామని హెచ్చరించారు.