Nara Lokesh: నారా లోకేశ్‌పై గుడ్డు విసిరిన ఇద్దరు నిందితులు అరెస్టు

ప్రొద్దుటూరు: కడప జిల్లా ప్రొద్దుటూరులో ఈనెల 1న యువగళం పాదయాత్ర సందర్భంగా తెదేపా జాతీయ ప్రధాన కార్యదర్శి నారా లోకేశ్‌పై కోడిగుడ్డు విసిరిన కేసులో ఇద్దరు నిందితులను పోలీసులు అరెస్టు చేశారు. పెన్నా నగర్‌కు చెందిన బాబు, శ్రీకాంత్‌ను అరెస్టు చేసినట్టు ఏఎస్పీ ప్రేరణ కుమార్‌ తెలిపారు. నిందితులు బాబు, శ్రీకాంత్‌ ఇద్దరూ స్నేహితులని, సెల్ఫీ ఇవ్వలేదని లోకేశ్‌పై గుడ్డు విసిరారని వెల్లడించారు. ఇద్దరు మాట్లాడుకునే గుడ్డు విసిరారని తెలిపారు.

ఒకటో తేదీ రాత్రి బహిరంగ సభ అనంతరం మైదుకూరు రోడ్డు మార్గంలో లోకేశ్‌ పాదయాత్ర సాగుతోన్న సమయంలో ఓ వ్యక్తి కోడిగుడ్డు విసరగా.. అది భద్రతా సిబ్బందిపై పడింది. కోడిగుడ్డు విసిరిన వ్యక్తిని తెదేపా కార్యకర్తలు పట్టుకొచ్చి దేహశుద్ధి చేసిన విషయం తెలిసిందే.