విద్యార్థుల కళ్లెదుటే.. మహిళా టీచర్ల సిగపట్లు

బిహార్‌ విద్యావ్యవస్థలో లోపాలు తరచూ వార్తల్లో నిలుస్తుంటాయి. తాజాగా ఓ పాఠశాలలో మహిళా టీచర్లు తన్నుకున్నారు. జుట్లు పట్టుకొని చెప్పులతో కొట్టుకున్నారు. పట్నాలోని కొరియా పంచాయత్‌ విద్యాలయ్‌ స్కూల్లో ఈ ఘటన చోటుచేసుకుంది. తరగతి గదిలోకి వచ్చిన ప్రధానోపాధ్యాయురాలు కాంతికుమారి కిటికీ తలుపులు మూయాలని అనితాకుమారి అనే టీచరుకు చెప్పారు. ఇందుకు ఆమె అంగీకరించకపోవడంతో ఇద్దరూ వాగ్వాదానికి దిగారు. ఆ తర్వాత కాంతికుమారి గది నుంచి బయటకు వస్తుండగా.. అనిత ఆమె వెనుకే వచ్చి చెప్పుతో దాడి చేశారు. అనితకు మద్దతుగా మరో టీచరు కూడా కాంతికుమారిపై దాడికి దిగారు. బడి పక్కనే ఉన్న పొలాల్లోకి వెళ్లి ఈ ముగ్గురూ కొట్టుకున్నారు. ఇదంతా విద్యార్థుల కళ్ల ముందే జరిగింది.