Ghani: అందాల ‘గని’

‘నీ పదునేంటో.. పవర్‌ ఏంటో, పంచుల్లో కనిపించనీ’ అంటూ బాక్సింగ్‌ రింగ్‌లోకి దిగిన గనీకి మరింత ఉత్సాహాన్ని నూరిపోస్తోంది తమన్నా. ఆ కథేమిటో తెలియాలంటే ‘గని’ సినిమా చూడాల్సిందే. వరుణ్‌తేజ్‌ కథానాయకుడిగా నటించిన చిత్రమిది. సయీ మంజ్రేకర్‌ కథానాయిక. కిరణ్‌ కొర్రపాటి దర్శకుడు. అల్లు బాబీ, సిద్ధు ముద్ద నిర్మాతలు. అల్లు అరవింద్‌ సమర్పిస్తున్నారు. ఏప్రిల్‌ 8న ప్రేక్షకుల ముందుకొస్తున్న ఈ చిత్రంలో ప్రముఖ కథానాయిక తమన్నా ప్రత్యేక గీతంలో ఆడిపాడారు. కొడితే... అంటూ సాగే ఈ పాటకి సంబంధించిన వీడియోని విడుదల చేసింది చిత్రబృందం.  ‘‘సినిమాలో కీలకమైన సందర్భంలో వచ్చే గీతమిది. ప్రేక్షకుల నుంచి చక్కటి స్పందన లభిస్తోంది. తమన్నా అందచందాలు ఈ పాటకి అదనపు ఆకర్షణ. వరుణ్‌తేజ్‌ ఈ సినిమా కోసం ప్రత్యేకంగా సన్నద్ధమై నటించారు. సిక్స్‌ ప్యాక్‌ దేహంతో కనిపిస్తూ, బాక్సర్‌గా ఆయన ప్రేక్షకులపై ప్రత్యేకమైన ముద్ర వేస్తార’’ని తెలిపాయి చిత్రవర్గాలు. జగపతిబాబు, సునీల్‌శెట్టి, ఉపేంద్ర, నవీన్‌ చంద్ర కీలక పాత్రల్లో నటించిన ఈ చిత్రానికి ప్రొడక్షన్‌ డిజైనర్‌: రవీందర్‌, ఛాయాగ్రహణం: జార్జ్‌ సి.విలియమ్స్‌, కూర్పు: మార్తాండ్‌ కె.వెంకటేష్‌, సంగీతం: తమన్‌.